ਵਿਜੀਲੈਂਸ ਬਿਉਰੋ, ਜਲੰਧਰ ਰੇਂਜ ਵਲੋਂ ਏ.ਐਸ.ਆਈ.ਐਲ.ਆਰ. ਸੁਖਦੇਵ ਸਿੰਘ ਜਲੰਧਰ (ਦਿਹਾਤੀ) ਇੰਚਾਰਜ, ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਸਿਪਾਹੀ ਹਰਦੀਪ ਲਾਲ ਜਲੰਧਰ (ਦਿਹਾਤੀ) ਪੁਲਿਸ ਚੌਂਕੀ, ਜੰਡੂ ਸਿੰਘਾ ਵਿਰੁੱਧ ਰਿਸ਼ਵਤ ਮੰਗਣ ਤੇ ਮੁਕਦਮਾ ਦਰਜ ਕੀਤਾ ਗਿਆ।

ਜਲੰਧਰ(NIN NEWS): ਵਿਜੀਲੈਂਸ ਬਿਉਰੋ, ਜਲੰਧਰ ਰੇਂਜ ਵਲੋਂ ਕੱਲ ਮਿਤੀ 01.012.2021 ਨੂੰ ਸ਼ਿਕਾਇਤਕਰਤਾ ਸ਼ਰਨਜੀਤ ਸਿੰਘ ਪੁੱਤਰ ਲੇਟ ਸੁਖਵਿੰਦਰ ਸਿੰਘ ਵਾਸੀ ਪਿੰਡ ਨੂਰਪੁਰ, ਥਾਣਾ ਮਕਸੂਦਾਂ, ਜਿਲ੍ਹਾ ਜਲੰਧਰ ਵਲੋਂ ਕੀਤੀ ਸ਼ਿਕਾਇਤ ਦੇ ਅਧਾਰ ਤੇ ਏ.ਐਸ.ਆਈ.ਐਲ.ਆਰ. ਸੁਖਦੇਵ ਸਿੰਘ
ਨੰਬਰ: 40/ਜਲੰਧਰ (ਦਿਹਾਤੀ) ਇੰਚਾਰਜ, ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਅਤੇ ਸਿਪਾਹੀ ਹਰਦੀਪ ਲਾਲ ਨੰਬਰ:
1574/ਜਲੰਧਰ (ਦਿਹਾਤੀ) ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਵਿਰੁੱਧ ਰਿਸ਼ਵਤ ਮੰਗਣ ਦੇ ਦੋਸ਼ਾਂ ਸਬੰਧੀ ਵੱਖਰਾ ਮੁਕੱਦਮਾ
ਦਰਜ ਰਜਿਸਟਰ ਕੀਤਾ ਗਿਆ ਹੈ।

ਸੀਨੀਅਰ ਕਪਤਾਨ ਪੁਲਿਸ, ਵਿਜੀਲੈਂਸ ਬਿਓਰੋ, ਜਲੰਧਰ ਰੇਂਜ ਨੇ ਚੇਤੇ ਕਰਵਾਉਂਦਿਆ ਦੱਸਿਆ ਕਿ ਸ਼ਿਕਾਇਤਕਰਤਾ ਸਿੰਘ ਪੁੱਤਰ ਲੇਟ ਸੁਖਵਿੰਦਰ ਸਿੰਘ ਵਾਸੀ ਪਿੰਡ ਨੂਰਪੁਰ, ਥਾਣਾ ਮਕਸੂਦਾਂ, ਜਿਲ੍ਹਾ ਜਲੰਧਰ ਵਲੋਂ ਕੀਤੀ ਗਈ ਸ਼ਿਕਾਇਤ ਦੀ ਪੜਤਾਲ ,
ਬਿਉਰੋ, ਯੂਨਿਟ, ਜਲੰਧਰ ਵਲੋਂ ਕੀਤੀ ਗਈ ਸੀ। ਸ਼ਿਕਾਇਤ ਦੀ ਪੜਤਾਲ ਤੋਂ ਪਾਇਆ ਗਿਆ ਸੀ ਕਿ ਸ਼ਿਕਾਇਤਕਰਤਾ ਆਪਣੀ ਪਤਨੀ ਸਮੇਤ ਵਿਜੀਲੈਂਸ ਬਿਉਰੋ, ਯੂਨਿਟ, ਜਲੰਧਰ ਵਿਖੇ ਆਇਆ ਸੀ ਅਤੇ ਵਿਜੀਲੈਂਸ ਬਿਉਰੋ, ਜਲੰਧਰ ਦੇ ਅਧਿਕਾਰੀਆਂ ਨੂੰ ਮਿਲਿਆ ਅਤੇ ਦੱਸਿਆ ਉਹ ਡਰਾਇਵਰੀ ਦਾ ਕੰਮ ਕਰਦਾ ਹੈ, ਉਹ ਪਹਿਲਾਂ ਪਿੰਡ ਨਿਜਾਮੂਦੀਨ ਪੁਰ ਵਿਖੇ ਆਪਣੇ ਪਰਿਵਾਰ ਸਮੇਤ ਕਿਰਾਏ ਤੇ ਰਹਿੰਦਾ ਸੀ।

ਕਰੀਬ 4/5 ਸਾਲ ਨਸ਼ਾ ਖਾਂਦਾ ਪੀਂਦਾ ਰਿਹਾ ਹੈ ਅਤੇ ਹੁਣ ਕਰੀਬ ਢਾਈ ਸਾਲ ਤੋਂ ਨਸ਼ਾ ਖਾਣਾ ਪੀਣਾ ਛੱਡ ਦਿੱਤਾ ਹੈ। ਪਹਿਲਾਂ ਸ਼ਿਕਾਇਤਕਰਤਾ ਨਸ਼ਾ ਛੁਡਾਊ ਕੇਂਦਰ ਕਾਲਾ ਬੱਕਰਾ ਤੋਂ ਨਸ਼ਾ ਛੱਡਣ ਦੀ ਦਵਾਈ ਖਾਂਦਾ ਸੀ, ਜਿਥੇ ਉਸਦਾ ਆਈ.ਡੀ ਕਾਰਡ ਬਣਿਆ ਹੋਇਆ ਹੈ, ਉਕਤ ਕਾਰਡ ਨਾਲ ਸ਼ਿਕਾਇਤਕਰਤਾ
ਪੰਜਾਬ ਵਿਚ ਕਿਸੇ ਵੀ ਨਸ਼ਾ ਛੁਡਾਊ ਕੇਂਦਰ ਤੋਂ ਦਵਾਈ ਲੈ ਸਕਦਾ ਹੈ। ਹੁਣ ਸ਼ਿਕਾਇਤਕਰਤਾ ਨਸ਼ਾ ਛੁਡਾਊ ਕੇਂਦਰ ਸ਼ੇਖੇ ਤੋਂ ਨਸ਼ਾ ਛੱਡਣ ਦਵਾਈ ਖਾਂਦਾ ਹੈ। ਮਿਤੀ 10/11/2021 ਨੂੰ ਸ਼ਿਕਾਇਤਕਰਤਾ ਕਰੀਬ 12 ਵਜੇ ਦੁਪਿਹਰ ਨੂੰ ਨਸ਼ਾ ਛੁਡਾਊ ਕੇਂਦਰ ਸ਼ੇਖੇ ਤੋਂ ਨਸ਼ਾ ਛੱਡਣ ਦੀ ਦਵਾਈ ਲੈ ਕੇ ਆਪਣੇ ਮੋਟਰ ਸਾਈਕਲ ਮਾਰਕਾ ਹੀਰੋ ਹਾਂਡਾ ਪੈਸ਼ਨ ਪਰ ਵਾਪਸ ਘਰ ਨੂੰ ਆ ਰਿਹਾ ਸੀ, ਤਾਂ ਇਸੇ ਦੋਰਾਨ ਰਸਤੇ ਵਿਚ ਪਿੰਡ ਕੋਟਲਾ ਨੂੰ ਜਾਂਦੇ ਕੱਚੇ ਰਸਤੇ ਤੇ ਸਿਵਲ ਕੱਪੜਿਆਂ ਵਿਚ ਕੁਝ ਪੁਲਿਸ ਕਰਮਚਾਰੀ ਦੋ ਗੱਡੀਆਂ ਵਿਚ ਆਏ ਅਤੇ ਉਨ੍ਹਾਂ ਨੇ ਸ਼ਿਕਾਇਤਕਰਤਾ ਨੂੰ ਰੋਕ ਲਿਆ ਅਤੇ ਉਸਦਾ ਮੋਟਰਸਾਈਕਲ ਅਤੇ ਮੋਬਾਇਲ ਫੋਨ ਖੋਹ ਲਿਆ ਅਤੇ ਉਸਨੂੰ ਆਪਣੀ ਕਾਰ ਵਿਚ ਧੱਕੇ ਨਾਲ ਬਿਠਾ ਲਿਆ ਅਤੇ ਪੁਲਿਸ ਚੌਕੀ ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਵਿਖੇ ਲੈ ਗਏ।

ਫਿਰ ਸਿਵਲ ਕਪੜਿਆਂ ਵਿਚ ਇਕ ਪੁਲਿਸ ਕਰਮਚਾਰੀ ਨੇ ਕਿਹਾ ਕਿ ਕੋਈ ਨਸ਼ਾ ਵੇਚਣ ਵਾਲਾ
ਬੰਦਾ ਫੜਾ, ਤਾਂ ਸ਼ਿਕਾਇਤਕਰਤਾ ਨੇ ਕਿਹਾ ਕਿ ਉਸਨੂੰ ਨਸ਼ਾ ਛੱਡੇ ਨੂੰ ਦੇਰ ਹੋ ਗਈ ਹੈ, ਉਸਨੂੰ ਕਿਸੇ ਬਾਰੇ ਕੁਝ ਨਹੀਂ ਪਤਾ ਕਿ ਕੋਣ ਨਸ਼ਾ ਵੇਚਦਾ ਹੈ। ਇਸ ਉਪਰੰਤ ਸਿਵਲ ਕੱਪੜਿਆਂ ਵਿਚ ਇਕ ਪੁਲਿਸ ਕਰਮਚਾਰੀ ਆਇਆ, ਜਿਸ ਦਾ ਨਾਮ ਹਰਦੀਪ ਲਾਲ ਹੈ, ਨੇ ਕਿਹਾ ਕਿ ਤੇਰੇ ਉਪਰ 40
ਗਰਾਮ ਨਸ਼ੇ ਦਾ ਮੁਕੱਦਮਾਂ ਦਰਜ ਕਰ ਦੇਣਾ ਹੈ ਅਤੇ ਤੇਰੀ ਜਮਾਨਤ ਵੀ ਨਹੀਂ ਹੋਣੀ।

ਜੇਕਰ ਮੁਕੱਦਮਾਂ ਦਰਜ ਹੋਣ ਤੋਂ ਬਚਣਾ ਹੈ ਤਾਂ ਤੂੰ ਸਾਨੂੰ
60,000/-ਰੁਪਏ ਰਿਸ਼ਵਤ ਦੇ ਦੇ। ਜਿਸ ਤੇ ਸ਼ਿਕਾਇਤਕਰਤਾ ਨੇ ਉਸ ਨੂੰ ਕਿਹਾ ਕਿ ਉਸ ਪਾਸ ਇੰਨੇ ਪੈਸੇ ਨਹੀਂ ਹਨ, ਤਾਂ ਹਰਦੀਪ ਲਾਲ ਨੇ ਉਸ
ਨੂੰ ਕੁਟਣਾ ਸ਼ੁਰੂ ਕਰ ਦਿੱਤਾ। ਸ਼ਿਕਾਇਤਕਰਤਾ ਨੇ ਉਸ ਦੀ ਕੁੱਟ ਤੋਂ ਬਚਣ ਲਈ ਉਸ ਨੂੰ ਕਿਹਾ ਕਿ ਤੁਸੀਂ ਮੈਨੂੰ ਛੱਡ ਦਿਓ ਉਹ ਕਿਸੇ ਤਰਾਂ ਪੈਸਿਆਂ ਦਾ ਇੰਤਜਾਮ ਕਰਕੇ ਤੁਹਾਨੂੰ ਦੇ ਦੇਵਾਂਗਾ।

ਸ਼ਿਕਾਇਤਕਰਤਾ ਵਲੋਂ ਮਿੰਨਤਾ ਤਰਲੇ ਕਰਨ ਤੇ ਹਰਦੀਪ ਲਾਲ ਉਕਤ ਉਸਨੂੰ ਪੁਲਿਸ ਚੌਕੀ ਇੰਚਾਰਜ ਏ.ਐਸ.ਆਈ ਸੁਖਦੇਵ ਸਿੰਘ ਪਾਸ ਲੈ ਗਿਆ, ਤਾਂ ਪੁਲਿਸ ਚੌਕੀ ਇੰਚਾਰਜ ਨੇ ਕਿਹਾ ਕਿ ਚਲ ਤੂੰ ਕੱਲ ਮਿਤੀ 11/11/2021 ਨੂੰ ਸਵੇਰੇ 11 ਵਜੇ 25,000/-ਰੁਪਏ ਲੈ ਕੇ ਆ ਜਾਵੀਂ, ਅਸੀਂ ਤੇਰੇ ਉਪਰ ਨਸ਼ੇ ਦਾ ਝੂਠਾ ਮੁਕੱਦਮਾਂ ਦਰਜ ਨਹੀਂ ਕਰਾਂਗੇ ਅਤੇ ਉਨ੍ਹਾਂ ਨੇ ਸ਼ਿਕਾਇਤਰਕਤਾ ਨੂੰ ਉਸੇ ਦਿਨ
ਸ਼ਾਮ ਨੂੰ ਕਰੀਬ 7 ਵਜੇ ਉਸਨੂੰ ਛੱਡ ਦਿੱਤਾ, ਪਰੰਤੂ ਸ਼ਿਕਾਇਤਕਰਤਾ ਦਾ ਮੋਬਾਇਲ ਫੋਨ ਅਤੇ ਮੋਟਰ ਸਾਈਕਲ ਆਪਣੇ ਪਾਸ ਪੁਲਿਸ ਚੌਂਕੀ ਜੰਡੂ
ਸਿੰਘ ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਵਿਖੇ ਰੱਖ ਲਿਆ। ਸ਼ਿਕਾਇਤਕਰਤਾ ਦੀ ਸ਼ਿਕਾਇਤ ਦੀ ਵਿਜੀਲੈਂਸ ਬਿਓਰੋ ਵਲੋਂ ਕੀਤੀ ਗਈ ਪੜਤਾਲ ਵਿੱਚ ਸ਼ਿਕਾਇਤ ਵਿੱਚ ਦਰਸਾਏ ਤੱਥ ਸਬੂਤਾਂ
ਸਮੇ ਪਾਏ ਗਏ। ਸ਼ਿਕਾਇਤ ਕਰਤਾ ਦਿਹਾੜੀਦਾਰ ਵਿਅਕਤੀ ਹੈ ਅਤੇ ਉਸ ਪਾਸ ਰਿਸ਼ਵਤ ਦੇਣ ਲਈ ਪੈਸੇ ਨਹੀਂ ਸਨ। ਜਿਸ ਕਾਰਨ ਵਿਜੀਲੈਂਸ
ਬਿਉਰੋ ਵਲੋਂ ਟਰੈਪ ਦੀ ਕਾਰਵਾਈ ਨਹੀਂ ਕੀਤੀ ਜਾ ਸਕੀ।

ਸੁੱਕੀਆਂ ਖਿਲਾਫ ਪੁਖਤਾ ਸਬੂਤ ਮਿਲਣ ਉਪਰੰਤ ਸ੍ਰੀ ਦਲਬੀਰ ਸਿੰਘ, ਡੀ.ਐਸ.ਪੀ., ਵਿਜੀਲੈਂਸ ਬਿਉਰੋ, ਯੂਨਿਟ, ਜਲੰਧਰ ਵਲੋਂ ਵਿਜੀਲੈਂਸ ਬਿਊਰੋ ਦੀ ਟੀਮ ਗਠਿਤ ਕਰਕੇ ਸਮੇਤ ਸਰਕਾਰੀ ਗਵਾਹਾਂ ਨੂੰ ਨਾਲ ਲੈ ਕੇ ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਦੀ ਅਚਨਚੇਤ ਚੈਕਿੰਗ ਕੀਤੀ ਗਈ। ਵਿਜੀਲੈਂਸ ਦੀ ਟੀਮ ਵਲੋਂ ਚੈਕਿੰਗ ਦੌਰਾਨ ਪੁਲਿਸ ਚੌਂਕੀ ਜੰਡੂ ਸਿੰਘ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਵਿਖੇ ਸ਼ਿਕਾਇਤਕਰਤਾ ਦਾ ਮੋਟਰ ਸਾਈਕਲ ਮਾਰਕਾ ਹੀਰੋ ਹਾਂਡਾ ਪੈਨ ਅਤੇ ਮੋਬਾਇਲ ਫੋਨ ਬਰਾਮਦ ਕਰ ਲਿਆ ਗਿਆ ਸੀ।

ਜਿਸ ਸਬੰਧੀ ਰਿਪੋਰਟ ਤਿਆਰ ਕਰਕੇ ਸੀਨੀਅਰ ਅਫਸਰਾਂ ਨੂੰ ਭੇਜੀ ਗਈ ਅਤੇ ਸੀਨੀਅਰ ਅਫਸਰਾਂ ਦੇ ਹੁਕਮ ਪ੍ਰਾਪਤ ਹੋਣ ਤੇ ਵਿਜੀਲੈਂਸ ਬਿਉਰੋ, ਜਲੰਧਰ ਵਲੋਂ ਏ.ਐਸ.ਆਈ.ਐਲ.ਆਰ. ਸੁਖਦੇਵ ਸਿੰਘ ਨੰਬਰ: 40/ਜਲੰਧਰ (ਦਿਹਾਤੀ) ਇੰਚਾਰਜ, ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਅਤੇ ਸਿਪਾਹੀ ਹਰਦੀਪ ਲਾਲ ਨੰਬਰ: 1574ਜਲੰਧਰ (ਦਿਹਾਤੀ ) ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਵਿਰੁੱਧ
ਮੁਕੱਦਮਾ ਨੰਬਰ: 30 ਮਿਤੀ 01.12.2021 ਅ/ਧ 7 Prevention of Corruption Act 1988 as amended by P.C
(Amendment) Act 2018 ਰ/ਵ 341, 384, 120-ਬੀ-ਆਈ.ਪੀ.ਸੀ. ਤਹਿਤ ਥਾਣਾ ਵਿਜੀਲੈਂਸ ਬਿਉਰੋ, ਜਲੰਧਰ ਰੇਂਜ ਵਿਖੇ ਦਰਜ
ਰਜਿਸਟਰ ਕੀਤਾ ਗਿਆ ਹੈ।

ਵਿਜੀਲੈਂਸ ਬਿਉਰੋ, ਜਲੰਧਰ ਵਲੋਂ ਸ੍ਰੀ ਦਲਬੀਰ ਸਿੰਘ, ਡੀ.ਐਸ.ਪੀ. ਵਿਜੀਲੈਂਸ ਬਿਉਰੋ, ਯੂਨਿਟ, ਜਲੰਧਰ ਦੀ ਨਿਗਰਾਨੀ ਹੇਠ ਵੱਖ-ਵੱਖ ਟੀਮਾਂ ਬਣਾ ਕੇ ਏ.ਐਸ.ਆਈ.ਐਲ.ਆਰ. ਸੁਖਦੇਵ ਸਿੰਘ ਨੰਬਰ: 40/ਜਲੰਧਰ (ਦਿਹਾਤੀ) ਇੰਚਾਰਜ, ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਅਤੇ ਸਿਪਾਹੀ ਹਰਦੀਪ ਲਾਲ ਨੰਬਰ: 1574/ਜਲੰਧਰ (ਦਿਹਾਤੀ) ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਨੂੰ ਗ੍ਰਿਫ਼ਤਾਰ ਕਰਨ ਲਈ ਵਿਜੀਲੈਂਸ ਬਿਊਰੋ ਵਲੋਂ ਦੋਸ਼ੀਆਂ ਦੀ ਰਿਹਾਇਸ਼ ਪਰ ਛਾਪੇ ਮਾਰੇ ਗਏ, ਪਰੰਤੂ ਦੋਸ਼ੀ ਏ.ਐਸ.ਆਈ. ਸੁਖਦੇਵ ਸਿੰਘ ਅਤੇ ਸਿਪਾਹੀ ਹਰਦੀਪ ਲਾਲ ਫਰਾਰ ਹਨ ਅਤੇ ਗ੍ਰਿਫ਼ਤਾਰ ਨਹੀਂ ਹੋ ਸਕੇ।

ਇੱਥੇ ਇਹ ਵਰਨਣਯੋਗ ਹੈ ਕਿ ਮਿਤੀ 26.11.2021 ਨੂੰ ਵਿਜੀਲੈਂਸ ਬਿਊਰੋ ਵਲੋਂ ਪੁਲਿਸ ਚੌਂਕੀ ਜੰਡੂ ਸਿੰਘ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਦੀ ਅਚਨਚੇਤ ਚੈਕਿੰਗ ਦੌਰਾਨ ਏ.ਐਸ.ਆਈ. ਸੁਖਦੇਵ ਸਿੰਘ ਨੰਬਰ: 40/ਜਲੰਧਰ (ਦਿਹਾਤੀ) ਇੰਚਾਰਜ, ਪੁਲਿਸ ਚੌਂਕੀ, ਜੰਡੂ ਸਿੰਘਾ,ਆਦਮਪੁਰ ਜ਼ਿਲ੍ਹਾ ਜਲੰਧਰ ਪਾਸੋਂ ਨਸ਼ੇ ਦੀਆਂ ਦੋ ਪੁੜੀਆਂ ਬਰਾਮਦ ਹੋਣ ਸਬੰਧੀ ਇੰਸਪੈਕਟਰ ਹਰਜਿੰਦਰ ਸਿੰਘ, ਐਸ.ਐਚ.ਓ. ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਨੂੰ ਮੌਕਾ ਪਰ ਬੁਲਾ ਕੇ ਏ.ਐਸ.ਆਈ./ਐਲ.ਆਰ. ਸੁਖਦੇਵ ਸਿੰਘ ਨੰਬਰ: 40/ਜਲੰਧਰ (ਦਿਹਾਤੀ) ਇੰਚਾਰਜ, ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਵਿਰੁੱਧ ਮੁਕੱਦਮਾ ਨੰਬਰ: 173 ਮਿਤੀ 26.11.2021 ਅਧੀਨ ਧਾਰਾ 21 NDPS Act 1985 ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਵਿਖੇ ਮੁਕੱਦਮਾ ਦਰਜ ਰਜਿਸਟਰ ਕਰਵਾਇਆ ਗਿਆ ਸੀ ਅਤੇ ਇੰਸਪੈਕਟਰ ਹਰਜਿੰਦਰ ਸਿੰਘ, ਐਸ.ਐਚ.ਓ. ਥਾਣਾ ਆਦਮਪੁਰ ਵਲੋਂ ਏ.ਐਸ.ਆਈ./ਐਲ.ਆਰ. ਸੁਖਦੇਵ ਸਿੰਘ ਨੰਬਰ: 40/ਜਲੰਧਰ (ਦਿਹਾਤੀ) ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਸ ਮੁਕੱਦਮਾ ਵਿੱਚ ਦੋਸ਼ੀ ਏ.ਐਸ.ਆਈ./ਐਲ.ਆਰ. ਸੁਖਦੇਵ ਸਿੰਘ ਨੰਬਰ: 40/ਜਲੰਧਰ (ਦਿਹਾਤੀ) ਦੀ ਜਮਾਨਤ ਮਾਨਯੋਗ ਅਦਾਲਤ ਵਲੋਂ ਮਿਤੀ 29.11.2021 ਨੂੰ ਮੰਨਜੂਰ ਹੋ ਚੁੱਕੀ ਹੈ। ਵਿਜੀਲੈਂਸ ਬਿਉਰੋ, ਜਲੰਧਰ ਵਲੋਂ ਰਿਸ਼ਵਤ ਮੰਗਣ ਸਬੰਧੀ ਦਰਜ ਕੀਤੇ ਗਏ ਵੱਖਰੇ ਮੁਕੱਦਮੇ ਵਿੱਚ ਦੋਸ਼ੀਆਂ ਏ.ਐਸ.ਆਈ./ਐਲ.ਆਰ. ਸੁਖਦੇਵ ਸਿੰਘ ਨੰਬਰ: 40/ਜਲੰਧਰ (ਦਿਹਾਤੀ) ਇੰਚਾਰਜ, ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਅਤੇ ਸਿਪਾਹੀ ਹਰਦੀਪ ਲਾਲ ਨੰਬਰ: 1574/ਜਲੰਧਰ (ਦਿਹਾਤੀ) ਪੁਲਿਸ ਚੌਂਕੀ, ਜੰਡੂ ਸਿੰਘਾ, ਥਾਣਾ ਆਦਮਪੁਰ ਜ਼ਿਲ੍ਹਾ ਜਲੰਧਰ ਜਿਨ੍ਹਾਂ ਨੂੰਗ੍ਰਿਫ਼ਤਾਰ ਕਰਨ ਲਈ ਵਿਜੀਲੈਂਸ ਬਿਊਰੋ ਵਲੋਂ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।